ಕೊನೆಯ ಮಾತು

ಪ್ರೀತಿಯ ಗೆಳೆಯ ಗೆಳತಿಯರೇ ಇದು ನಾನು ಇದುವರೆಗೂ ನನ್ನ ಪ್ರೀತಿಯ ಮೇಲೆ ಇಟ್ಟಿದ್ದ ನಂಬಿಕೆ ಹುಸಿಯಾಗುವ ಸಮಯ, ಜೀವಕ್ಕೆ ಜೀವ ಕೊಡುತ್ತೇನೆ ಎಂದ ಹುಡುಗಿ ಸಣ್ಣ ಮನಸ್ತಾಪಕ್ಕೆ ನನ್ನ ಪ್ರೀತಿಯನ್ನೇ ದಿಕ್ಕರಿಸಿ ನಡೆದು ಹೋದ ದಿನ. ಆ ನಿರ್ದಾರದಲ್ಲಿ ಅವಳಿಗಿಂತ ಅವಳ ಸ್ನೇಹಿತೇಯರ ಪ್ರಭಾವವೇ ಹೆಚ್ಚು.

ಜೀವನಪೂರ್ತೀ ಆಸರೆಯಾಗುವೆ, ಉಸಿರು ನಿಂತರು ನಿನ್ನ ಮರೆಯಲಾರೆ ಅಂದ ಹುಡುಗಿ ಇದ್ದಕಿದ್ದಂತೆ ನಡೆದು ಹೋದದ್ದಕ್ಕೆ ಕಾರಣ ಮಾತ್ರ ಚಿಕ್ಕದು.
ಹುಡುಗಿಯರಿಗೆ ಕಣ್ಣೀರು ಜಾಸ್ತಿ ಬರುತ್ತೆ ಯಾಕೆ ಗೊತ್ತ? ಹುಡುಗರನ್ನ ನಂಬಿಸೋದಕ್ಕೆ ಅಸ್ಟೆ. ಅಲ್ಲಿ ನಿಜವಾದ ಪ್ರೀತಿ ಇರೋದಿಲ್ಲ, ಇದ್ದರು ಅದು ಕ್ಷಣಿಕ.
ಒಂದು ಹುಡುಗಿ ಒಂದೇ ಹುಡುಗನನ್ನ ಜೀವನಪೂರ್ತಿ ಪ್ರೀತಿಸೋ ಕಾಲ ಈಗಿಲ್ಲ ಆದ್ರೆ ಆ ರೀತಿ ಹುಡುಗರು ಇನ್ನೂ ಇದ್ದಾರೆ ಅಂತ ಅವರಿಗೆ ಗೊತ್ತಿಲ್ಲ.
ಅವ್ರಿಗೆ ನಿಜವಾದ ಪ್ರೀತಿಯ ಅರಿವಿಲ್ಲ.
ಹುಡುಗರ ಮನಸ್ಸಿನ ನೋವು ತಿಳಿಯೋದಿಲ್ಲ,
ಹುಡುಗರಿಗೆ ಇರುವ ತಾಳ್ಮೆ ಇರೋದಿಲ್ಲ,
ಮರೆಯೋದು ಅಂದ್ರೆ ತುಂಬಾ ಸುಲಭ,
ಅವರ ಪ್ರಕಾರ ಪ್ರೀತಿ ಅಂದ್ರೆ ಟೈಮ್ ಪಾಸ್,
ಪ್ರೀತಿ ಅಂದ್ರೆ ತಿಂದು ಬಿಸಾಕೋ ಎಲೆ ಇದ್ದ ಹಾಗೆ,
ಬದಲಿಸೋ ಬಟ್ಟೆ ಇದ್ದ ಹಾಗೆ,

ಈ ಹುಡುಗಿಯರಿಂದ ಮೋಸ ಹೋದವರು ಸಾವಿರಾರು ಅದರಲ್ಲಿ ನಾನು ಒಬ್ಬ,
ಪ್ರೀತಿಗಾಗಿ ಎಲ್ಲವನ್ನು ಕಳೆದುಕೊಂಡೆ ಈಗ ಆ ಪ್ರೀತಿಯೇ ನನ್ನ ದೂರ ತಳ್ಳಿದೆ,
ಅವಳಿಗೆ ನನ್ನ ಮನಸು ಬೇಡ, ನನ್ನ ಪ್ರೀತಿ ಬೇಡ, ಆ ಸುಮಧುರ ನೆನಪು ಬೇಡ,
ನನ್ನನ್ನ ಪೂರ್ತಿಯಾಗಿ ಮರೆತು ನನ್ನ ಅಣಕಿಸುತ್ತಿರುವ ನನ್ನ ಪ್ರೀತಿಯ ಹುಡುಗಿಗೆ ಜೀವನದಲ್ಲಿ ಕೊನೆಯದಾಗಿ
ಒಂದು ಪತ್ರ ಬರೆಯಬೇಕೆಂದಿದ್ದೇನೆ.
ಸದ್ಯದಲ್ಲೇ ಇಲ್ಲಿ ನಿಮ್ಮ ಜೊತೆ ನನ್ನ ಭಾವನೆಯನ್ನು ಹಂಚಿಕೊಳ್ಳುತ್ತೇನೆ.

ಮತ್ತು ಇಲ್ಲಿ ಹೇಳಿರುವ ಮಾತುಗಳು ಕೆಲವು ಹುಡುಗಿಯರಿಗೆ ಮಾತ್ರ ಅನ್ವಹಿಸುತ್ತವೆ.
ನನಗೆ ಎಲ್ಲ ಹುಡುಗಿಯರ ಬಗ್ಗೆ ಗೌರವ ಇದೆ ಪ್ರೀತಿಗೆ ಮೋಸ ಮಾಡಿದ ಹುಡುಗಿಯರನ್ನು ಹೊರತುಪಡಿಸಿ,
ನಾನು ಪ್ರೀತಿ ಮಾಡಿದ ಹುಡುಗಿ ನನ್ನನ್ನು ಮರೆತಿರಬಹುದು ನನ್ನ ಪ್ರೀತಿ ಅವಳಿಗೆ ಬೇಡವಾಗಿರಬಹುದು ಆದ್ರೆ ನನ್ನ ಪ್ರೀತಿ ಯಾವಾಗಲು ಶಾಶ್ವಥ
ಅದಕ್ಕೆ ಎಂದು ಸಾವಿಲ್ಲ, ನನ್ನ ಪ್ರೀತಿನ ನಾನೇ ಪ್ರೀತಿಸ್ತೇನೆ.
YES I REALLY LOVE MY FEELINGS,
I LOVE MY FEELINGS,
I LIKE MY FEELINGS,
I LIVE WITH MY FEELINGS.

ಗೆಳೆಯರೇ ಇಂದು ನನ್ನ ಹುಡುಗಿಯ ಎಲ್ಲ ಫೋಟೋಗಳನ್ನು ಅವಳಿಗೋಸ್ಕರ ಅಲ್ಲದಿದ್ದರೂ ಅವಳ ಪ್ರಾಣ ಸ್ನೆಹಿತೆಗೊಸ್ಕರ ತೆಗೆಯುತ್ತಿದ್ದೇನೆ.

ಹೊರಡುವ ಸಡಗರ

ಹೊರಡುವ ಸಡಗರ

ನನ್ನ ಪ್ರೀತಿಯ ಸ್ನೇಹ ಹೋಗಲೇ ಬೇಕು ಅನ್ನುವ ನಿನ್ನ ಸಡಗರಕ್ಕೆ ನಾನು ಅಡ್ಡ ಬರುವುದಿಲ್ಲ. ಬಿಟ್ಟು ಹೊರಡುತ್ತಿರುವುದಕ್ಕೆ ಕಾರಣವನ್ನೂ ಕೇಳುತ್ತಿಲ್ಲ. ಮತ್ತೆ ನಿನಗೆ ಪತ್ರ ಬರೆಯುತ್ತೇನೋ ಇಲ್ಲವೋ? ಗುಂಡಗಿರುವ ಭೂಮಿ ಎಷ್ಟೇ ಚಿಕ್ಕದು ಅಂದುಕೊಂಡರೂ ಮತ್ತೆ ಭೇಟಿಯಾಗುತ್ತೇವೋ ಇಲ್ಲವೋ ; ಅದೇ ಹಳೆಯ ಮಮತೆಯಿಂದ. ಆಡುವ ಮಾತು ಕೊನೆಯವೇ ಆದರೂ ನಾಲ್ಕು ಘಳಿಗೆ ಕೂತು ಮಾತನಾಡಿ ಬಿಡೋಣ. ಹೀಗೆ ಬಾ, ಎದುರಿಗೆ ಕುಳಿತುಕೋ.

ಒಂದು ಮಾತು ಹೇಳುತ್ತೇನೆ ಕೇಳು. ಒಂದೂವರೆ ವರ್ಷವೆಂಬುದು ಸುಮ್ಮನೆ ಸರಿದು ಹೋದ ಕಾಲವಲ್ಲ. ಐದು ನೂರಾ ನಲವತ್ತೇಳು ದಿನಗಳ ಒಟ್ಟು ಮೊತ್ತ. ನೀನು ಬದುಕಲಿರುವ ಸಂಪೂರ್ಣ ನೂರು ವರ್ಷಗಳ ಜೀವಿತಾವಧಿಯಲ್ಲಿ ಈ ಒಂದೂವರೆ ವರ್ಷಗಳದ್ದು ನಿನ್ನ ಮಟ್ಟಿಗೆ ಚಿಕ್ಕ ಮೊತ್ತವೇ ಇರಬಹುದು. ಆದರೆ ನನ್ನ ಪಾಲಿಗೆ ಅದು ಸಾವಿರಾರು ಸೂರ್ಯೋದಯ-ಸೂರ್ಯಾಸ್ತಗಳ ಮಹಾ ಸಂಭ್ರಮ. ಪ್ರತಿ ಮುಂಜಾವೂ ನನ್ನ ಪಾಲಿಗೆ ಹೊಸ ವಸಂತ.

ನಿನ್ನ ನೆನಪಿನ ಗೆಜ್ಜೆ ಕಟ್ಟಿಕೊಂಡೇ ಏಳುತ್ತಿದ್ದೆ. ಇವತ್ತು ಅವಳು ಸಿಗುತ್ತಾಳೆ. ಹೀಗೆ ಮಾತಾಡ್ತಾಳೆ. ಮೃದುವಾಗಿ ನಗುತ್ತಾಳೆ. ಪುಟ್ಟ ಪತ್ರ ಬರೆದುಕೊಂಡು ಬಂದಿರುತ್ತಾಳೆ. ತುಟಿಯ ತಿರುವಿನಲ್ಲಿ ಯಾಕೋ ಸಣ್ಣ ಮುನಿಸು. ನಂಗೊತ್ತು ಅಂಥದ್ದೇನೂ ನಾನು ಮಾಡಿಲ್ಲ. ಆದರೂ ನನ್ನ ಹುಡುಗಿ ಸುಮ್ಮ ಸುಮ್ಮನೆ ಅನುಮಾನಿಸುತ್ತಾಳೆ. ಅನುಮಾನವೆಂದರೆ ಅದು ಅನುಮಾನವೂ ಅಲ್ಲ. ಚಿಕ್ಕ ಅಸಹನೆ. ನಾನು ಯಾರೊಂದಿಗೂ ಮಾತನಾಡಬಾರದು. ಹುಡುಗಿಯರ ಮಾತು ಹಾಗಿರಲಿ, ಗೆಳೆಯರೊಂದಿಗೂ ತುಂಬ ಹೊತ್ತು ಮಾತಾಡಬಾರದು. 'ಅವರೊಂದಿಗೆ ಕುಳಿತು ಹರಟುವ ಅಷ್ಟು ನಿಮಿಷದ ಹೊತ್ತು ನನ್ನ ಮರೆತು ಬಿಟ್ಟಿರುತ್ತೀಯಲ್ಲ' ಅಂತ ಜಗಳ ತೆಗೆಯುತ್ತಾಳೆ. ಹೇಗೆ ಹೇಳಲಿ ಈ ಹುಡುಗಿಗೆ? ನನ್ನ ಪ್ರತಿ ಉಸುರಿನಲ್ಲೂ ನೀನಿದ್ದೀಯ. ನನ್ನ ಪ್ರತಿ ಕದಲಿಕೆ ನಿನ್ನ ಅಣತಿ. ನೀನಿಲ್ಲದೆ ನನ್ನ ಅಸ್ತಿತ್ವವಿಲ್ಲ. I am only yours. ಹಾಗಂತ ನನ್ನ ಮನಸ್ಸಿಗೆ ಪದೇಪದೆ ಹೇಳಿಕೊಂಡು ನಿನ್ನ ಬಳಿಗೆ ಬಂದರೆ, ನೀನು ಅದೆಲ್ಲ ಮರೆತು ಹೋಗುವಂತೆ ಇಷ್ಟಗಲ ನಗೆಯಾಗುತ್ತಿದ್ದೆ, ಸೂರ್ಯಕಾಂತಿ ಹೂವಿನ ಹಾಗೆ.

ಮೊದಲಿನಿಂದಲೂ ಅಷ್ಟೆ. ನಿನ್ನ ವರ್ತನೆ ಹೀಗೇ ಇರುತ್ತದೆ ಅನ್ನುವ ಹಾಗಿರಲಿಲ್ಲ. ಒಮ್ಮೆ ಪ್ರೀತಿಯ ಹೂಬಿಸಿಲು, ಮತ್ತೊಮ್ಮೆ ಚೆಲುವಿನ ಬೆಳದಿಂಗಳು, ಒಮ್ಮೆ ಬೇಸರದ ಕಡುಮೋಡ, ಇನ್ನೊಮ್ಮೆ ದಿವ್ಯನಗೆಯ ಧರೆದೀಪ, ಹುಚ್ಚು ಹೊಳೆಯಂತಹ ಅಪ್ಪುಗೆ, ಮೆದೆಯಲ್ಲಿ ಬಿದ್ದು ಉರುಳಿದ ಸುಸ್ತು. ಇದ್ದ ಒಂದೂವರೆ ವರ್ಷಗಳಲ್ಲಿ ಅದೆಷ್ಟು ಅನಂತವೆನ್ನಿಸುವಂತಹ ಪ್ರೀತಿ ಕೊಟ್ಟೆ ಹುಡುಗೀ? ಅಷ್ಟು ಪ್ರೀತಿ ಪಡೆದ ನಾನು ಕೊನೆಯ ದಿನವೇ ಸತ್ತು ಹೋಗಬೇಕಾಗಿತ್ತು. ಈ ಪತ್ರ ಬರೆಯಲು ಅಸಲು ಬದುಕಿರಬಾರದಿತ್ತು. ಆದರೆ ನೀನು, ಇದು ಕೊನೆಯ ದಿನವಾದೀತು ಎಂಬ ಸುಳಿವೇ ಕೊಡಲಿಲ್ಲ. ನೀನು ಕಳಿಸಿದ ಕರೆಯಲ್ಲಿ ಕಲುಷ ಕಾಣಲಿಲ್ಲ. ನಾನು ಸಂಭ್ರಮದಿಂದ ನಡೆದು ಬಂದೆ.

ಹೆಬ್ಬಾಗಿಲಲ್ಲಿ ಎಂದಿನಂತೆ ಪ್ರಣತಿಯಿತ್ತು. ಒಳಗೆ ಉಲಿಯುತ್ತಿದ್ದುದು ಸಣ್ಣ ವೀಣೆ. ಎಲ್ಲ ಬಾಗಿಲುಗಳಿಂದಲೂ ಹೊಂಬೆಳಕು ಬರುತ್ತಿತ್ತು. ಬಾಗಿಲಲ್ಲಿ ಇದಿರಾದವಳ ತುರುಬಿನಲ್ಲಿ ಮಲ್ಲಿಗೆ, ದವನ. ಕೈಹಿಡಿದು ಕರೆದೊಯ್ದು ಅಭ್ಯಂಜನ ಮಾಡಿಸಿದೆ. ಕರ್ಪೂರ ಬೆರೆತ ಎಣ್ಣೆಯಲ್ಲಿ ತೋಯ್ದು ಮೈಗೆ ಸ್ವಚ್ಛ ಸೀಗೆಯ ಲೇಪ. ನೀನು ಮೈಯೊರೆಸುತ್ತಿದ್ದರೆ ನನ್ನಲ್ಲಿ ಮಗುವೊಂದು ಹಿತವಾಗಿ ಹೊರಳುತ್ತಿತ್ತು. ಅಷ್ಟು ಪ್ರೀತಿಯಿಂದ ನೀನು ಯಾವತ್ತೂ ಉಣಬಡಿಸಿರಲಿಲ್ಲವೇನೋ? ಬೆರಳ ತುದಿಯಲ್ಲಿ ಮೊಸರಕೆನೆ ನೆಕ್ಕಿಸಿದವಳು ಯಾವಾಗ ಜೇನು ಬೆರೆಸಿದ್ದೆಯೋ? ನೀನು ಒಂದೊಂದಾಗಿ ಕಿಟಕಿಯ ಪರದೆಗಳನ್ನು ಹಾಕುತ್ತ ಬಂದೆ. ಅದು ಮೇಘ ಮಂಥನದ ಆಹ್ವಾನ. ನನ್ನೊಳಗಿನ ನಾಭಿಯಾಳದಲ್ಲಿ ಪ್ರಾಣ ಬಂದಿತ್ತು. ನಿನ್ನ ಮೈಯ ಘಮದಲ್ಲಿ ಈಸು ಬಿದ್ದ ಘಳಿಗೆ, ನನ್ನನ್ನು ನಾನು ಇಡಿಯಾಗಿ ಮರೆತಿದ್ದೆ.

ಆಗಲೇ ಅಲ್ಲವಾ ನೀನು ಬಿಟ್ಟು ಹೋಗುವ ಮಾತನಾಡಿದ್ದು? ವೀಣೆಯ ಮೊದಲ ತಂತಿ ಖಟ್ಟನೆ ತುಂಡಾದ ಸದ್ದು. ನಿಜ ಹೇಳು, ಇದೆಲ್ಲ ನಿನಗೆ ಒಂದೂವರೆ ವರ್ಷಗಳ ಮುಂಚೆಯೇ ಗೊತ್ತಿತ್ತಾ? ಒಂದು ಸಲ ಹೇಳಿ ಬಿಡು, ಅಪ್ಪಿಕೊಂಡ ಎರಡು ಸುಕೋಮಲ ಕೈಗಳ ಪೈಕಿ ಯಾವುದರಲ್ಲಿ ಚೂರಿ ಅಡಗಿಸಿಕೊಂಡಿದ್ದೆ? ನೀನು ಆ ಮಾತು ಹೇಳಿದ ಮೇಲೂ ನಾನು ಏಕೆ ಸತ್ತು ಹೋಗಲಿಲ್ಲ. ಬಿಡು, ನಿನ್ನಲ್ಲಿ ಉತ್ತರವಿದ್ದಿದ್ದರೆ ನೀನಾದರೂ ಯಾಕೆ ಹೀಗೆಲ್ಲ ಮಾಡುತ್ತಿದ್ದೆ? ಮರಣದಂಡನೆ ವಿಧಿಸಿಯಾದ ಮೇಲೆ ನ್ಯಾಯಾಧೀಶನ ಮನಸ್ಸಿನಲ್ಲಿ ನಿಟ್ಟುಸಿರಿನ ಹೊರತು ಮತ್ತೇನೂ ಉಳಿದಿರುವುದಿಲ್ಲ. ಅಲ್ಲಿ ದಯೆಯಿರುವುದಿಲ್ಲ. ಕರುಣೆಯಿರುವುದಿಲ್ಲ. ಕೊಂದೆನೆಂಬ ಪಶ್ಚಾತ್ತಾಪವಿರುವುದಿಲ್ಲ. ಕೇವಲ ನಿರ್ದಯತೆ ರಾಜ್ಯವಾಳುತ್ತಿರುತ್ತದೆ.

ಆಯಿತು, ನಿನ್ನ ನಿರ್ಧಾರವೇ ಜಾರಿಗೆ ಬರಲಿ. ನಿನ್ನ ಪಾಲಿಗೆ ಇದೊಂದು ಚಿಕ್ಕ ಹೊರಳು. ಇಲ್ಲಿ ಮುಳುಗಿದವಳಿಗೆ ಅಲ್ಲಿ ಮೇಲೆದ್ದರೆ ಇನ್ನೊಬ್ಬನ ತೋಳಿನಾಸರೆ. ಅವನು ನನಗಿಂತ ಚೆಲುವನಿರಬಹುದು. ರಸಿಕ? ಯಾಕಾಗಬಾರದು? ಶ್ರೀಮಂತ, ಸುಶಿಕ್ಷಿತ, ಗಂಭೀರ, ಧೈರ್ಯವಂತ- ಎಲ್ಲವೂ ಆಗಿರುತ್ತಾನೆ. ಆಗಿರಲಿ ಬಿಡು. ಆದರೆ ನನಗಿಂತ ಹೆಚ್ಚು ಪ್ರೀತಿಸುವವನಾಗಿರಲಾರ. ಅಹಂಕಾರಪಡಲಿಕ್ಕೆ ಅದೊಂದೇ ನನಗೆ ಉಳಿದಿರುದು. ಅಷ್ಟನ್ನಾದರೂ ಉಳಿಸಿ ಹೋಗು. ಜಗತ್ತಿನ ಇನ್ಯಾವ ಗಂಡಸು ಕೂಡ ನಿನಗೆ ಆ ಒಂದೂವರೆ ವರ್ಷಗಳನ್ನು ಹಿಂತಿರುಗಿಸಲಾರ. ಬೇಕಾದರೆ ನನ್ನ ನಾಳೆಗಳನ್ನು ಒಯ್ದುಬಿಡು. ಅವುಗಳ ಅವಶ್ಯಕತೆ ಇನ್ನು ನನಗಿಲ್ಲ. ಬೆಳಕು ತನ್ನ ಸಂತೆ ಮುಗಿಸಿ ಹೋದ ಮನೆಯಲ್ಲಿ ಪ್ರಣತಿ ಅಪ್ರಸ್ತುತ.

'ಮತ್ತೆ ಬಾ' ಹಾಗಂತ ಕರೆಯಲಾರೆ. ಬಂದರೂ ಬಂದೇನು ಎಂಬ ಭ್ರಮೆ ಹುಟ್ಟಿಸಿ ಹೋಗಬೇಡ. ಎಲ್ಲ ಹುಡುಗಿಯರೂ ಮಾಡು ತಪ್ಪು ಮಾಡಬೇಡ. ಎದುರಿಗೆ ಸಿಕ್ಕಾಗ ಹಳೆಯ ಕನಸು, ಕನವರಿಗೆ ಬೇಡ. ಇದು ಇಲ್ಲಿಗೆ ಮುಗಿಯಲಿ, ಎಲ್ಲ ಒಳ್ಳೆಯವುಗಳೂ ಒಮ್ಮೆ ಮುಗಿದು ಹೋಗುವಂತೆ.

ಇಂತಿ ನಿನ್ನ ಪ್ರೀತಿಯ ರಾಜೇಶ

ನನ್ನ ಪ್ರೀತಿಯ ಸ್ನೇಹ,

ನನ್ನ ಪ್ರೀತಿಯ ಸ್ನೇಹ,

ಪ್ರೀತಿ ಮಾಡಿದ್ದು ನನ್ನ ತಪ್ಪಾ ಅಥವಾ ನಿನ್ನ ಪ್ರೀತಿ ಮಾಡಿದ್ದು ತಪ್ಪಾ ನಂಗೆ ಗೊತ್ತಿಲ್ಲ ಆದ್ರೆ ಒಂದಾಂತ್ತು ನಿಜ ಪ್ರೀತಿ ಶುರು ಆದ್ಮೇಲೆ ನಾನು ತುಂಬಾ ಬದಲಾಗಿದ್ದೀನಿ ನಾನು ನನ್ನ ಪಾಡಿಗೆ ಇರೋದಕ್ಕೆ ಆಗ್ತಾ ಇಲ್ಲ ನೀನು ನನ್ನ ತುಂಬಾ Disturb ಮಾಡ್ತಾ ಇದ್ದೀಯಾ ಅದರಿಂದ ನಿಂಗೆ ಏನು ಸಿಗುತ್ತೆ ಅಂತ ಗೊತ್ತಿಲ್ಲ ಆದ್ರೆ ನಂಗೆ ಮಾತ್ರ ತುಂಬಾ ಬೇಜಾರಾಗುತ್ತೆ ನಿನ್ನ ಹಟ ನನಗೆ ತಲೆ ಕೆಡಿಸುತ್ತೆ ನಾನು ಸ್ವಲ್ಪ ಮುಂಗೋಪಿ ಅದು ನಿನಗೂ ಗೊತ್ತು ಆದ್ರೂ ಯಾಕೆ ನನ್ನ ವಿಪರೀತ ಕಾಡಿಸ್ತೀಯ ನಿಂಗೆ ಯಾಕೆ ಹಾಗಾಗಿದೆ ಅಂತ ನಾನೇ ಹೇಳ್ತೇನೆ ಕೇಳು ನೀನು ನನ್ನ ಜಾಸ್ತಿ ಪ್ರೀತಿಸ್ತೀಯ ಎಲ್ಲಿ ನಂಗೆ ನನ್ ಹುಡುಗ ಸಿಗಲ್ವೋ ಅಂತ ಭಯ. ನೀನು ನನ್ ಮೇಲೆ ಇಟ್ಟಿರೋ ಪ್ರೀತಿಗೆ ನನ್ ಯಾವತ್ತೂ ಮೋಸ ಮಾಡಲ್ಲ ಆ ನಂಬಿಕೆ ಬೆಳೆಸ್ಕೋ ಆಗ ನಿನ್ನ ಮನಸ್ಸು ಫ್ರೀ ಆಗುತ್ತೆ. ಯಾಕೆಂದ್ರೆ ಪ್ರೀತಿಗೆ ನಂಬಿಕೆನೇ ಮುಖ್ಯ ಅದು ನಮ್ಮ ಪ್ರೀತಿನಾ ಕಾಪಾಡುತ್ತೆ ನೀನು ನನ್ನ ಬಗ್ಗೆ ತಪ್ಪಾಗಿ ತಿಳ್ಕೊಂಡಿದ್ದಿಯ ನಾನು ನೀನು ತಿಳ್ಕೊಂಡಿರೋ ಥರ ಕೆಟ್ಟ ಹುಡುಗ ಅಲ್ಲ ಆದ್ರೆ ನೀನು ಹಾಗೆ ಆಗೋ ಥರ ಮಾಡ್ತಾ ಇದ್ದೀಯಾ ನಿಂಗೆ ಇನ್ನೊಂದು ವಿಷಯ ಗೊತ್ತಾ ನಿನ್ನ ಲವ್ ಮಾಡೋಕೆ ಶುರು ಆದ ದಿನದಿಂದ ನಾನು ಯಾರ ಜೊತೇನು ಜಾಸ್ತಿ ಮಾತು ಆಡಲ್ಲ ಅದ್ರಿಂದ ತುಂಬಾ ಜನ ಫ್ರೆಂಡ್ಸ್ ಕಳ್ಕೊಂಡೆ ಅದೆಲ್ಲ ನಿನಗೋಸ್ಕರ. ನಿನ್ನಲ್ಲಿ ಪೋಸ್ಸೆಸ್ಸಿವೆನೆಸ್ಸ್ ಜಾಸ್ತಿ ಇದೆ ಅದ್ಕೆ ನನ್ನ ಮೇಲೆ ಸಂಶಯ ಪಡ್ತೀಯ ಅದ್ಕೆ ನಂಗೆ ತುಂಬಾ ಹರ್ಟ್ ಆಗುತ್ತೆ ನನ್ನ ಬಗ್ಗೆ ಬೇರೆ ಯಾರೇ ಏನೇ ಅಂದ್ರೂ OK ಆದ್ರೆ ನಾನು ಪ್ರೀತಿಸಿದ ಹುಡುಗಿನೆ ನನ್ನ ನಂಬಲ್ಲ ಅಂದ್ರೆ ಅದು ನಂಗೆ ತುಂಬಾ ಹರ್ಟ್ ಆಗೋ ವಿಷಯ.

ನೀನು ನಿನ್ನದೆ ಯೋಚನೆಯಿಂದ ಹೇಳ್ತೀಯ ನೀವು ನನ್ನ ನೆಗ್ಲೆಕ್ಟ್ ಮಾಡ್ತೀಯಾ ಅಂತ ಆದ್ರೆ ನೀನು ನನ್ನ ಪ್ಲೇಸ್ ನಲ್ಲಿ ನಿಂತಕೊಂಡು ಯೋಚನೆ ಮಾಡು ನೀನು ಆಗಿದ್ರೆ ಏನು ಮಾಡ್ತೀಯಾ ಅಂತ. ಇವಾಗ ನೀನು ಕಾಲೇಜ್ ಗೆ ಹೋಗೋ ಹುಡುಗಿ ನಿಂಗೆ ಅದೆಲ್ಲ ಅರ್ಥ ಆಗಲ್ಲ ನಂಗೆ ಸಾವಿರಾರು ಟೆನ್ಶನ್ ಇರುತ್ತೆ ಅದೆಲ್ಲ ಇದ್ರು ದಿನಕ್ಕೆ ಅರ್ಧ ಗಂಟೆ ಮಾತ್ಆಡ್ತೀನಿ ಆದ್ರೆ ಆ ಅರ್ಧ ಗಂಟೆಲೀ ನೀನು ನೂರು ಸಲ ಜಗಳ ಮಾಡ್ತೀಯಾ ಅದು ನಂದೇ ತಪ್ಪು ಇರಬಹುದು ಆದ್ರೆ ನೀನು ಅದ್ಕೆ ಅಡ್ಜಸ್ಟ್ ಮಾಡ್ಕೋಬೇಕು ನನ್ನಲ್ಲಿ ಫಾಲ್ಟ್ ಏನಿದೆ ಅಂತಾನೆ ಹುಡುಕ್ತಿಯ ಅದ್ಬಿಟ್ಟು ನನ್ನ ಅರ್ಥ ಮಾಡ್‌ಕೊಳ್ಳೋಕೆ ಟ್ರೈ ಮಾಡು ನಮ್ಮಿಬ್ಬರ ಮಧ್ಯೆ ಈ ಪ್ರೀತಿ ಹೀಗೆ ಇರಬೇಕು ಅಂದ್ರೆ ಅದ್ಕೆ ಹೊಂದಾಣಿಕೆ ಕೂಡ ಮುಖ್ಯ.


ನನ್ನ ನೀನು Understand ಮಾಡ್‌ಕೊಳ್ಳಿಲ್ಲ ಅಂದ್ರೆ ನನ್ನ ಮೇಲೆ ಪ್ರೀತಿ ಹೇಗೆ ಬರುತ್ತೆ. ಅಂತೂ ಇದೆ ಅಂದ್ರೆ ಅದು ನೀರ ಮೇಲಿನ ಗುಳ್ಳೆಯಂತೆ ಯಾವಾಗ ಬೇಕಾದ್ರೂ ಒಡೆದು ಹೋಗುತ್ತೆ. ಹಾಗೆ ಆಗಬಾರದು ನಮ್ಮ ಪ್ರೀತಿ. ನಿಂಗೆ ಪ್ರೀತಿಸೋದು ಮಾತ್ರ ಗೊತ್ತು ಆದ್ರೆ ಅದನ್ನ ಕಾಪಾಡೋದು ಗೊತ್ತಿಲ್ಲ. anyway bye take care I LOVE YOU